I KASIAPA KEPUH
Kacerita mangkin wenten Kasiapa Kepuh, mentik di tegale ane linggah. Ditu ade kedis Goak luh muani tur metinggah di carangnyane I Kasiape Kepuh. Raris ipun metakon ring Kasiape Kepuh. Kene petakon ipune, “Duh cai Kasiape Kepuh, kaliwat kapiwolasan I cange nepukin cai, baan goban caine layu, don cainge telah ligir, kulit caine telah babak belur, meh-mehan cai lakar ngemasin mati. Masaut raris I Kasiape Kepuh!!, “Duh cai goak ento saja buka munyin caine, panes bara saja icing dini!! Ento sing ja ada len baan laksanaan ipun I Rare Angon, sadina-dina icing tekteke tur tunjele bongkol icange. Rasa sing sida baan ngerasayang sakite dini, ngadenang suba icang mati teken nandang sakit buka kekene!!!
Disubane ningeh munyi I Kasiape Kepuh buka keto, masaut lantas I Goak, “Nah ne jani ada pangupayan icange teken cai, apange cai rahayu tur I Rare angon suud ngusak asik cai dini!!. Masaut I Kasiape Kepuh, “Uduh cai Goak tulusang pesan legan caine teken icang, nah yen saja icang nyidang seger, lantasang cai sube ane nitahang dini tur icang tusing bani piwal teken kapiolasan caine”. Nah keto semayan ipun mekekalih!
Gelisang satua, I Goak lantas mejalan ngalih bangke ane suba berek luire tendas, batis, lima lan basing ento mekejang keglantingang di carang punyan Kasiape Kepuh. Paglayut bangkene ento, banyehnyane paketeltel nganteg ke tahahe.
Nah cerita mangkin I Rare angon ngungsi bongkol Kasiape Kepuh punika, tetujon ipun pacing mesayuban, kalapunika dadi tengkejut!! I Rare angon tur sami ngadek bo bengu sambilange nekep cunguh, pelaibnyane bah bangun sambilange ngorahang ne mule tongos ane bengu-bengu, mawinan sesukat ento I Rare angon tusing bani buin kema.
Nah gelisang satua, I Kasiape Kepuh ane jani suba tumbuh rob, punyannyane ageng, mabunga, buah ipune nged tur carangnyane samah. Keto ane puponin ipun. Ditu lantas I Goak ngomong ring I Kasiape Kepuh, “Nah mapan cai sube seger, ane jani awake lakar mataluh dini, melahang cai ngeraksa taluh awake dini. Yen ade anak nagih taluh awake dini de pesan baange”, keto munyin I Goak teges pesan!!. Masaut I Kasiape Kepuh, “ Beh ede cai sumandang saya!!. Ditu lantas I Goak mataluh. Liun taluh ne sane ka keem patpat, sakewale taluh ipune wantah tetiga, sani asiki taluh ipun I Paksi tuhu-tuhu.
Gelisang satua suba kone I Goak metaluh ditu, tan dumage jeg ade lelipi layah ngungsi I Kasiape Kepuh tur matakon, “ih Kasiape Kepuh, nyen ane ngelah taluhe ento??”. Mesaut I Kasiape Kepuh, “Ne tuah taluh I Goak”. Mesaut buin I Lelipi, “Nah yen I Goak ngelah taluhe mai abe lakar amah wake”. Mesaut I Kasiape Kepuh, “Ede juange taluh anake lek atin icange ajk I Goak”. Buin lelipi mesaut, “Beh yen sing cai maang, lakar geseng kai anake buka cai, nah apang cai nawang ne…ne…ne…ane sube madan “I Banas Patiraja”. Yen cai nyak maang amah-amahan jani!! Legan caine lakar wales kai baan tresna aidupan. Buinan lakar jaga kai kayang kawekasan sawireh kai lewihing mawisesa, sing ade ane bani nandingin di jagate. Buina sing nyandang cai masuwitra ngajak, I Goak sawireh I buron nista, joh tanding ajak awake.
Ningeh munyin I Lelipi keto, dadi kadaut kenehne I kasiape Kepuh. Adanan sube mesewitra ngajak I Lelipi bandingan teken I Goak. Tumuli nimbal I Lelipi mesaut bangras, “nah yen tuah cai lege masuwitra ngajak kai, ane jani serahang ento taluhne I Goak neked panak-panak ia teken kai”. Sesuba keserahang ditu lantas kabakso olih lelipi, peh lege pesan kenehne I Lelipi ajake I Kasiape Kepuh. Ditu lantas ia saling jaga ajaka dadua mapan sube patuh itungane I Kasiape Kepuh ane jani suba kekemit olih I Wiala Raja tur maumah ring gowoh Kasiape Kepuh.
Nepukin unduke buka keto, ditu lantas I Paksi Gagak dahat sebet sawireh I Kasiape Kepuh tusing satya semaya tur masawitra ngajak anak drowaka cara I naga Taksaka sane kaliwat degag tur bonggan sing ja buungan ia lakar nepukin pakeweh tur mati ulian laksanane ane ten satya. Ditu lantas ia ngencolang mekeber ngalih tongos masayuban ane lenan.
Nah cerita mangkin Ida Sang Prabu Mangsalia sane jumeneng agung ring puri “Wanwa Desa : Ida kairing antuk pepatih idane makesami irika ring penangkilan. Irika ida maosang indik naga galak sane meranen pisan, magenah ring regale linggah, Goaknyane di punyan Kasiape Kepuh. Tur sampun akeh mademang jadma lan buron-burone makejang sami kebakso.
Indike punika raris katunasang olih Sang Prabu Mangsalia ring Ida Pedanda. Inggih nawegang tityang Ratu Peranda, dados asapunika wicarane, napi sane ngawinang??!!
Mesaur raris Ida Pedanda, nah Dewa Sang Prabu, yen unduk ento takonang I Dewa kapining bapa, ento sing ja ada len tuah I Naga taksaka ane ngawimang kebus bora jagate. Ia I Lelipi mawisesa tur upas ipune sing ada penawarne ento cening! Nah yen I Dewa pacing ngemademang I Naga Taksaka, ane jani apang I Dewa sida ngetogang panjak idewane makasami apang mesuang saang. Ilehin genahe punika, apang kanti madugdug saange ngantos dibongkol Kasiape Kepuh. Suba keto, ditu lantas tunjel.
Gelisin satua, suba pada madugdug saange irika raris Ida Sang Prabu kairing antuk panjak-panjak idane sami, irika raris sang prabu ngandikayang apang ngejutin saange punika, genine murub. Kabinawa pisan, yan umpamiang kadi Naga Geni. Panjake sami sane nonton masuryak ten reren-rerenan nyuryakin I Naga Taksaka nenten mresidayang pesu saking Goakne.
Pemuputnyane I Naga Taksaka mati baan nandang sakitne. Raris Ida Sang Prabu Mangsalia dahat ledang pisan. Tur ngandika ring panjak-panjak idane makasami.
Nah cai panjak-panjak gelah lautang kandik I Kasiape Kepuh tur matiang apang tusing buin ada Naga maumah ditu.
Inggih para pamilet sareng sami, tatuwek satuane puniki :kapertama I raga dadi manusa apang bias ngwales pitresnan anak, kaping kalih I raga tusing dadi lumpas teken subaya, kaping telu anake ane medaya corah, tusing buungan nepukin
Badung mangupura….
puputang tityang antuk parama santi : Om santi3x Om.
0 komentar:
Post a Comment