Siswa Berprestasi Mesatua Bali

I KASIAPA KEPUH

Kacerita mangkin wenten Kasiapa Kepuh, mentik di tegale ane linggah. Ditu ade kedis Goak luh muani tur metinggah di carangnyane I Kasiape Kepuh. Raris ipun matakon ring Kasiape Kepuh. Kene patakon ipune, “Duh cai Kasiape Kepuh, kaliwat kapiwolasan I cange nepukin cai, baan goban caine layu, don cainge telah ligir, kulit caine telah babak belur, meh-mehan cai lakar ngemasin mati. Masaut raris I Kasiape Kepuh!!, “Duh cai goak ento saja buka munyin caine, panes bara saja icang dini. Ento ane ngaranayang. Ento sing ja ada len baan laksanaan ipun I Rare Angon, sadina-dina icang tekteke tur tunjele dibongkol icange, rasa sing sida baan ngarasayang sakite dini, ngadenang suba icang mati saihang teken nandang sakit buka kekene!!!

Nah Disubane ningeh munyin I Kasiape Kepuh buka keto!!! masaut lantas I Goak kene, “Nah ne jani ada pangupayan icange teken cai, apange cai rahayu tur I Rare angon suud ngusak asik cai dini!!. Masaut I Kasiape Kepuh, “Uduh cai Goak, tulusang pesan legan caine teken icang, nah yen saja icang nyidang seger, lantasang cai sube ane nitahang dini tur icang tusing bani piwal teken kapiolasan caine”. Nah keto samayan ipun mekekalih!

Gelisan satua, I Goak lantas majalan ngalih bangke ane suba berek luire tendas, batis, lima lan basang ento makejang kaglantingang di carang punyan Kasiape Kepuh. Paglayut bangkene ento, banyehnyane paketeltel nganteg ke tahahe.

Nah cerita mangkin, I Rare angon ngungsi bongkol Kasiape Kepuh punika. tetujon ipun pacang masayuban, kalapunika dadi tengkejut, I Rare angon tur sami ngadek bo bengu sambilange nekep cunguh, ditu iye I rare anggon macucun jaler macuet pelaibnyane bah bangun sambilange ngorahang ne mule tongos ane bengu-bengu. mawinan sesukat ento I Rare angon tusing bani buin kema.

Nah gelisang satua, I Kasiape Kepuh ane jani suba tumbuh rob, punyannyane ageng, mabunga, buah ipune nged tur carangnyane samah. Keto ane puponin ipun. Ditu lantas I Goak ngomong ring I Kasiape Kepuh, “Nah mapan cai sube seger, ane jani awake lakar mataluh dini, melahang cai ngeraksa taluh awake dini. Yen ade anak nagih taluh awake dini de pesan baange”, keto munyin I Goak teges pesan!!. Masaut I Kasiape Kepuh, “ Beh ede cai sumandang saya tekenin kai!!. Ditu lantas I Goak mataluh. Liun taluh ne sane ka keem tuah patpat, sakewale taluh ipune wantah tetiga, sani abungkul wantah taluh ipun I Paksi tuhu-tuhu.

Gelisang satua suba kone I Goak mataluh ditu, tan dumage jeg ade lelipi layah ngungsi I Kasiape Kepuh tur matakon, “ih Kasiape Kepuh, nyen ane ngelah taluhe ento??”. Mesaut I Kasiape Kepuh, “Ne tuah taluh I Goak”. Mesaut buin I Lelipi, “Nah yen I Goak ngelah taluhe ento mai abe lakar amah wake”. Mesaut I Kasiape Kepuh, “Ede juange taluh anake lek atin icange ajak I Goak yen nyuang taluh anak mamaling adane? Yen care jani korupsi adane!!”. Buin lelipi mesaut, “Beh yen sing cai maang, lakar geseng kai anake buka cai, nah apang cai nawang ne…ne…ne…ane sube madan “I Banas Patiraja”. Yen cai nyak maang amah-amahan jani!! Legan caine lakar wales kai baan tresna aidupan. Buinan lakar jaga kai kayang kawekasan sawireh kai lewihing mawisesa, sing ade ane bani nandingin di jagate. Buina sing nyandang cai masuwitra ngajak I Goak, sawireh I buron nista, joh tanding ajak awake.

Ningeh munyin I Lelipi keto, dadi kadaut kenehne I kasiape Kepuh yen keto, adanan sube masawitra ngajak I Lelipi bandingan teken I Goak. Tumuli nimbal I Lelipi mesaut bangras, “nah yen tuah cai lege masuwitra ngajak kai, ane jani serahang ento taluhne I Goak neked panak-panak ia teken kai”. suba kaserahang ditu lantas kabakso olih lelipi. peh lege pesan kenehne I Lelipi ajake I Kasiape Kepuh. Ditu lantas ia saling jaga ajaka dadua mapan sube patuh itungane. I Kasiape Kepuh ane jani suba kekemit olih I Wiala Raja tur maumah ring gowok Kasiape Kepuh.

Nah gelisang satua Nepukin unduke buka keto, ditu lantas I Paksi Gagak dahat sebet, sawireh I Kasiape Kepuh tusing satya semaya, tur masawitra ngajak anak drowaka, cara I naga Taksaka, sane kaliwat degag, tur bonggan. sing ja buungan ia lakar nepukin pakeweh, tur mati ulian laksanane ane ten satya. Ditu lantas I Paksi Gagak ngencolang mekeber ngalih tongos masayuban ane lenan.

Nah cerita mangkin Ida Sang Prabu Mangsalia sane jumeneng agung ring puri “Wanwa Desa : Ida kairing antuk pepatih idane makesami irika ring panangkilan. Raris irika ida maosang indik naga galak sane maranen pisan, nongos ring regale linggah, Goaknyane di punyan Kasiape Kepuh. Tur sampun akeh mademang jadma lan buron-burone makejang sami kebakso.

Indike punika sane katunasang olih Sang Prabu Mangsalia ring Ida Peranda. Inggih nawegang tityang Ratu Paranda, dados asapuniki wicarane?? napi sane ngawinang??!! Mesaur raris Ida Paranda, nah Dewa Sang Prabu, sane ngawinang kebus bara jagate, wantah I naga taksaka. Nah yen I dewa pacang ngemademang I naga taksaka, dugdugang saange di bongkol Kasiape Kepuh punika, raris tunjel.

Gelisin satua, suba pada madugdug saange irika, raris Ida Sang Prabu kairing antuk panjak-panjak idane sami, irika raris sang prabu ngandikayang apang ngenjutin saange punika. genine murub, Kabinawa pisan, yan umpamiang kadi Naga Geni, Panjake sami sane nonton masuryak ten reren-rerenan nyuryakin I Naga Taksaka nenten mrasidayang pesu saking Gookne.

Pemuputnyane I Naga Taksaka mati baan nandang sakitne. Raris Ida Sang Prabu Mangsalia dahat ledang pisan. Tur ngandika ring panjak-panjak idane makasami.

Nah cai panjak-panjak gelah ajak mekejang, lautang kandik I Kasiape Kepuh tur matiang apang tusing buin ada Naga maumah ditu.

Inggih para pamilet sareng sami:

1.  tatuwek satuane puniki :kapertama I raga dadi manusa apang bisa ngwales pitresnan anak.

2. kaping kalih I raga tusing dadi lempas teken subaya.

3. kaping telu anake ane medaya corah, tusing buungan nepukin sengkala

Badung mangupura….kiranglangkung tityang nunas pangampura.
Om, Santhi, Shanti, Shanti, Om